Een verslaggie van de boetenrippetitie veur alle speulers en zangers op 25 mei
Veuraf hebt wij eerst een diapresentaotie ekregen van Gerrit en Harm over de indeling van het speulveld in Zweel. Ook koj foto’s van de attributen bekieken zoals de dörsmesien, de EDS-bus, de wupkar, de olde Mercedes, de Citroën en nog veul meer. Harstikke mooi.
Boeten bleef het de hiele middag dreuge en zo nou en dan kreeg je de zunne ok nog te zien.
Vandaag hebt wij boeten op het veld de looplijnen bespreuken en oefend. Belangriek bij de diverse scènes waren de plekken die je mus innemen tiedens de hele veurstelling zoals bijveurbeeld de richting van erpelriegen op `t land (dat deden we eerst de verkeerde kant op). Een mooi veurbield hiervan is ok de scène met plietsie Beetsma waorbij hij het halve koor van de erpelakker mus verwiedern.
Ook bliekt wel dat we de leiding van de dirigent nog dringend neudig hadden om op de juuste tied met het koor in te vallen; dat gung nog wel ies mis.
Deur dizze boetenrippetitie, met de kleding van 1952, kuj je ok bèter inleven in je rol waordeur het speulen je wat gemakkelijker afgiet. Ook krieg je steeds meer een beeld van uuteindelijke veurstelling in de maond september. Al met al een geslaagde en plezierige rippetitie.
Dolf en Cor
