Zundagmiddag 27 november waren de commissieleden oetneudigd deur bestuur en initiatiefnimmers van de Stichting Ter Klinke um veur het eerst bijpraot te worden over het neie muziektheaterspektakel ‘De Vlinderprinses’ dat van 3 t/m 8 september 2024 holden wordt in Zweel.
De plannen
In de kerk an de Wheem weuren de plannen ontvold deur de drie initiatiefnimmers Harm Dijkstra, Gerrit Hegen en Jan Kruimink. Gerrit begunde met een presentatie over de locatie en de organisatie, vervolgens vertelde Harm over de inhold van De Vlinderprinses, waorin de opgraving van de Prinses van Zweel in 1952 centraal stiet met de neudige verwikkelingen, romantiek, fantasie en mystiek. Jan sleut of met een fragment van 5 liedties die al klaor bint. Een eerste conclusie: het wordt mooi!
Op locatie
Daornao weur de mooie locatie an de Stegenwantsweg bezöcht en kun iederien zuch al wat inleven in wat daor in 2024 stiet te gebeuren.
De middag weur, hiel gezellig, ofsleuten met een kop koffie, thee of warme sukelaomelk en heerlijke perentaart in Bistro Tante Sweel. Het was een mooie start met de menschen die een belangrieke taak in de commissies kriegt!
